Kommunen har ansvar for å kunngjere tilskotsordninga, fastsetje søknadsfrist, handsame søknader og betale ut tilskot gjennom fagsystemet Agros. Det er i hovudsak berre dei tre beitelaga som kan søkja på tilskot frå denne potten. 

 

Formålet med ordninga er å legget til rette for best mogleg utnytting av beite i utmark, reduserer tap av dyr på utmarksbeite og fremme fellestiltak i beiteområda. Ordninga skal bidra til god beitebruk gjennom infrastrukturtiltak i utmark. 

Generelt kan det gjevast tilskot til alle typar tiltak som fremjar beiting i eit område, men i hovudsak skal tiltaka vere stasjonære.  

 

Døme på aktuelle tiltak (lista er ikkje uttømmande):
• Sanke- og skiljeanlegg
• Bruer dimensjonert for dyr og folk
• Sperregjerder for å sikre at dyr ikkje kjem over i farleg område
• Gjetarhytter/sankehytter (maks 20 kvm, enkel standard) 
• Elektronisk overvakingsutstyr (radiobjøller, lammenoder, merkesavlesarar) 

 

Kommunen har fått for knapp tid til å lage tiltaksstrategi  før komande beitesesong. Dersom det vert stor søknadspågang vil kommunen nytte prioritering som Fylkesmannen hadde i 2019 slik: 

1. Investeringar i teknologi knytt til beitebruk
2. Faste installasjonar og kostnadskrevjande investeringar 

 

 

Vik kommune set årets søknadsfrist til 1. april.